మహిళలు, యువతులు, మైనర్ బాలికలపై లైంగిక దాడులు ఆగడం లేదు. దీంతో మళ్లీ ఆడపిల్లలపై లైంగిక దాడుల విషయం స్థానికంగా చర్చనీయాంశమైంది. భద్రాద్రి కొత్తగూడెం జిల్లా అశ్వారావుపేట మండలంలో ఓ మైనర్ బాలికపై యువకుడు లైంగిక దాడికి పాల్పడ్డారు. మరో యువకుడు ఆ ఘటనను వీడియో తీయడం గమనార్హం. అశ్వారావుపేటలో మైనర్‌పై ఓ యువకుడు లైంగిక దాడికి పాల్పడగా, మరో యువకుడు సెల్‌ఫోన్‌లో వీడియో చిత్రీకరించిన ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం.. మండలంలోని ఓ గ్రామానికి చెందిన 15 ఏళ్ల బాలిక గత నెల 30వ తేదీన చర్చికి వెళ్లి రాత్రి 10 గంటల సమయంలో తిరిగి ఒంటరిగా ఇంటికి వస్తుండగా.. ఈ ఘటన జరిగింది. అదే గ్రామానికి చెందిన 20 ఏళ్ల యువకుడు ఆమెను బలవంతంగా సమీపంలోని పాడు బడ్డ ఇంట్లోకి తీసుకెళ్లి లైంగిక దాడికి పాల్పడ్డాడు. మైనర్ బాలికపై లైంగిక దాడి పాల్పడుతున్న సమయంలో అదే గ్రామానికి మరో యువకుడు తన సెల్‌ఫోన్‌లో చిత్రీకరించాడు. ఈ విషయాన్ని బయటకు చెబితే చంపేస్తానని బాలికను వారు బెదిరించారు. ఈ ఘటనపై బాలిక తల్లిదండ్రులు బుధవారం రాత్రి పోలీసులకు ఫిర్యాదు చేశారు. ఆ ఇద్దరు యువకులపై పోలీసులు పోక్సో చట్టం కింద కేసు నమోదు చేశారు. ఘటనపై దర్యాప్తు చేస్తున్నట్లుగా పోలీసులు తెలిపారు.
చర్చికి వెళ్లిన బాలికను పిన్ని ఇంటికి తీసుకెళ్లి
